A do të merni drejtimin e LSI-së? Meta shmang pyetjen e gazetarëve dhe e shoqëron me batuta

TIRANË– Ditën e sotme, presidenti Ilir Meta ka dalë në një konferencë për mediet dhe ka reaguar për vendimin e shkarkimit të tij, i cili u mor dy ditë më parë.

Ai i mohoi përfundimet e Komisionit Hetimor që sollën shkarkimin e tij, sipas tij është një veprim i maxhorancës për të larguar vëmendjen nga krimet zgjedhore. Vendimin e parlamentit e cilësoi si “antikushtetues”.

Presidenti tashmë është duke pritur vendimin e Gjykatës Kushtetuese. Nëse Gjykata do miratojë shkarkimin e tij nga detyra, Meta u shpreh:  Kini durim deri më 24 korrik të vitit të ardhshëm, do të jemi këtu në mënyrë të vazhdueshme. Këto kohë vëmendjen do e marrë procesi në Komisioni i Ankimimeve dhe në sezonin e ri do të jemi në mënyrë shumë aktive këtu.

Më tej ai është pyetur nëse do të jetë në krye të LSI pas 24 korrikut të vitit të ardhëm kur të përfundojë  mandati i Presidentit.

“Të ftoj të kthehemi në majë të Jezercës dhe Korabit në çdo moment. Faleminderit shumë, do jemi në kontakt dhe malet tona më të larta…”, tha Meta duke qeshur.

/Zoguu.al/