BE krah Shqipërisë: Nis 2 aeroplanë për shuarjen e zjarreve

Ndërsa zjarret po vijojnë në Mesdhe dhe në Ballkanin Perëndimor, Bashkimi Evropian është vënë në lëvizje për mbështetje të zonave të prekura dhe për kufizimin e përhapjes.

Dy helikopterë do të dërgohen nga Çekia dhe Hollanda për të mbështetur operacionet për shuarjen e zjarreve në Shqipëri.

Dy aeroplanë zjarrfikës Canadair nga Franca po dërgohen sot në zonat e prekura në Itali për të filluar operacionet e shuarjes së zjarrit, dy avionë zjarrfikës nga Qipro po mbështesin Greqinë, ndërsa Sllovenia po dërgon një ekip prej 45 zjarrfikësish në Maqedoninë e Veriut.

Komisioneri për Menaxhimin e Krizave Janez Lenarčič tha: “Ne po punojmë gjatë gjithë kohës për të dërguar ndihmë ndërsa zjarret janë ndezur në të gjithë Evropën. Falënderoj Qipron, Çekinë, Francën, Slloveninë dhe Hollandën që vendosën me shpejtësi aeroplanë zjarrfikës, helikopterë dhe një ekip zjarrfikësish për të mbështetur vendet e prekura shumë nga zjarret në pyje. Në këtë kohë ndërsa disa vende mesdhetare po përballen me zjarre, Mbrojtja Civile e BE -së sigurohet që mjetet tona të zjarrfikësve në vend të përdoren me kapacitet maksimal. Ky është një shembull i shkëlqyer i solidaritetit të BE -së në kohë nevoje. “

Këto ndihma vijnë si shtesë e operacioneve të shuarjes së zjarrit të koordinuara nga BE që aktualisht janë duke vazhduar në Turqi, si dhe në Itali.

/Zoguu.al/