Gjykata Kushtetuese shfuqizon nenin për lejet e protestave

TIRANË– Ditën e sotme gjatë një sence plenare, Gjykata Kushtetuese ka shqyrtuar kërkesën e Gjykatës së Apelit Shkodër për të shfuqizuar ligjin për marrje leje nga oraganet kompetente për protestat, si i papajtueshëm me nenet 17, pika 1 dhe 47 e Kushtetutës.

Gjatë kësaj seance Gjykata e ka pranuar kërkesën dhe mori vendimin që të shfuqizohet shprehja “pa marrë më parë lejen nga oragani kompetent sipas dispozitave të veçanta”. Vendimi do të hyjë në fuqi 6 muaj pasi të jetë botuar në Fletoren Zyrtare.

Gjykata Apelit Shkodër i kërkoi Gjykatës Kushtetuese në janar të vitit të kaluar të shpallë antikushtetuese ndryshimet e kodit penal që konsiderojnë vepër penale protestat që organizohen pa leje.  Ndryshimi i bërë në vitin 2017 Nenit 262 në kodin penal kërkon leje për organizim të protestave në të kundërtën dënohesh me gjobë ose me burg deri në një vit.

/Zoguu.al/