Java e parë e qershorit mbyllet pa asnjë viktimë, gjatë 24 orëve të fundit raportohen 5 raste të reja infektimi

TIRANË– Ministria e Shëndetësisë ka raportuar se gjatë 24 orëve të fundit nuk ka asnjë viktimë nga COVID-19, ndërsa 5 persona kanë rezultuar të infektuar.

Java e parë e muajit qershor u mbyll me asnjë viktimë nga koronavirusi. Ndërkohë gjithsej janë kryer 1881 testime, nga të cilat 5 persona kanë rezultuar pozitivë. Rastet pozitive të konfirmuara janë identifikuar në këto bashki: 2 raste në Lezhë, nga 1 rast në Tiranë, Berat, Malësi e Madhe.

Gjithashtu edhe numri i pacientëve të shëruar po vijon të rritet. Në 24 orët e fundit janë shëruar 37 qytetarë, duke e çuar numrin e të shëruarve në 129,664 që nga fillimi i epidemisë.

Aktualisht në spitalin COVID ndodhen 28 persona, 5 prej tyre janë në terapi intensive.

Megjithëse shifrat e infektimit kanë rënë ndjeshëm dhe situata e COVID-19 duket se po përmirësohet, Ministria e Shëndetësisë j’u bën thirrje qytetarëve të vijojnë të zbatojnë rregullat anticovid.

Statistika

Raste të reja ditore        5
Të shëruar në 24 orë      37
Të shtruar në spitale      28
Humbje jete në 24 orë   0
Testime ditore                1,881

Testime totale             738,472
Raste pozitive             132,379
Raste të shëruara        129,664
Raste Aktive                  264
Humbje jete                  2,451

Shpërndarja gjeografike e rasteve aktive sipas qarqeve: 

Tiranë         65
Shkodër       55
Berat             35
Korçë            33
Lezhë           25
Elbasan        16
Vlorë             11
Gjirokastër   10
Durrës          4
Kukës           4
Fier                4
Dibër          2

/Zoguu.al/