Manastirliu: Ditën e sotme do të mbërrijnë 11,700 doza të vaksinës Pfizer, Shqipëria cilësohet si zonë me risk të ulët infektimi

TIRANË– Ministrja e Shëndetësisë, Ogerta Manastirliu ka lajmëruar se ditën e sotme do të mbërrijnë 11,700 doza të vaksinës Pfizer.

Ministrja bëri të ditur se prej 9 javësh Shqipëria ka paraqitur një numër të ulët të rasteve të reja të infektimeve me COVID-19 ndaj është cilësuar si zonë me risk të ulët të përhapjes së koronavirusit.

Ajo tha se vaksnimi do vijojnë pa ndalim, por lehtësimi i masave duhet të shoqërohet me vigjilencë të shtuar në zbatimin e rregullave.

Postimi në Facebook

Sot mbërrijnë edhe 11,700 doza të vaksinës Pfizer, teksa vijojmë pa u ndalur me planin kombëtar të vaksinimit, me objektivin e palëkundur, derisa qytetari i fundit të jetë vaksinuar.

Lajmi i mirë është se Shqipëria hyn në në javën e 9 me rënie të qëndrueshme të rasteve të reja me #Covid19 dhe tashmë jemi -sipas të gjitha vlerësimeve- zonë me risk të ulët të përhapjes së infeksionit të shkaktuar nga virusi Sars-Cov2, por lehtësimi i masave duhet të shoqërohet me vigjilencë të shtuar në zbatimin e rregullave, për të frenuar përhapjen e #covid19.

/Zoguu.al/