Maqedoni e Veriut ende shpresë për hapjen e negociatave në dhjetor

SHKUP– Kryeministri i Maqedonisë së Veriut, Zoran Zaev, ka deklaruar se pret një vendim pozitiv rreth hapjes së negociatave me BE në dhjetor.

Gjatë një deklarate ditën e sotme, Zaev u shpreh se deri në muajin nëntor, Bullgaria mund të formojë qeverinë dhe të hap negociatat për Maqedoninë e Veriut e Shqipërinë.

“Mbetet shpresa jonë se “fati i tretë” në Bullgari, para se gjithash për popullin bullgar, të formojnë qeveri politike, që të mundemi në fund të dhjetorit, kur do të mbahet Këshilli i Ministrave dhe Këshilli Evropian , të merret vendim, në kohën e presidencës Sllovene”, tha mes tjerash Zaev.

Kujtojmë që në qershor, Bullgaria bllokoi negociatat me Maqedoninë e Veriut dhe Shqipërië.

Në Samitin në Bled të Sllovenisë që u mbajt ditën e djeshme, u rihap cështja e negociatave dhe kryeministri Rama, i kerkoi publikisht Presidentit të Bullgarisë Rumen Radev që të hiqej vetoja. Ky i fundit i ftoi të dyja palët në një dialog.

/Zoguu.al/