Matthew Palmer, “vizitë virtuale” me krerët e shtetit shqiptar

TIRANË– Ambasada Amerikane, ka njoftuar përmes një deklarate, se Zv. Ndihmës Sekretari i Shtetit të SHBA, Matthew Palmer, ditën e sotme do të zhvillojë një “vizitë virtuale” në Shqipëri.

Kjo vizitë do të kryhet në kuadër të zgjedhjeve të 25 prillit dhe mbi përparësitë që kanë Shtetet e Bashkuara.

Takimi do të zhvillohet me Kryeministrin Edi Rama , Presidentin Ilir Meta dhe me Kryetarin e Partisë Demokratike, Lulzim Basha.

Në vijim të vizitës së tij, Palmer, do të takohet  dhe me kampionët e reformës në drejtësi.

Vizita e tij do të përfundojë, me takimin që do të mbahet me gazetarët që kanë qenë pjesëmarrës, në programet e shkëmbimit dhe trajnimit të SHBA–së.

Deklarata e plotë:

“Zv.Ndihmës Sekretari i Shtetit të SHBA Matthew Palmer do të zhvillojë sot një “vizitë virtuale” në Shqipëri. Ai do të takohet me Presidentin Meta, Kryeministrin Rama dhe Kryetarin e Partisë Demokratike Basha për të diskutuar mbi përparësitë e Shteteve të Bashkuara, përfshirë pritshmëritë për zgjedhjet e 25 prillit. Zv.Ndihmës Sekretari Palmer do të takohet gjithashtu me kampionët e reformës në drejtësi. Ai do ta përfundojë vizitën e tij me një tryezë të rrumbullakët me gazetarë, të cilët kanë marrë pjesë në programet e shkëmbimit dhe trajnimit të SHBA”.

/Zoguu.al/