Ministria e Shëndetësisë raporton gjendjen e COVID-19 gjatë 24 orëve të fundit: 1 viktimë dhe 11 raste të reja pozitive

TIRANË– Ministria e Shëndetësisë ka raportuar situatën e COVID-19 gjatë 24 orëve të fundit, 1 humbje jete dhe 11 raste të reja infektimi.

Vetëm 1 qytetar 73 vjeç nga Berati nuk ka mundur të fitojë dot betejën me koronavirusin.

Ndërkohë, si rezultat i 2,915 testimeve të kryera, kanë rezultuar pozitivë 11 qytetarë. Rastet pozitive të konfirmuara janë identifikuar në këto bashki: 3 raste në Tiranë, 2 raste në Gjirokastër, Cërrik, 1 rast në Malësi e Madhe, Durrës, Berat, Kuçovë.

Në 24 orët e fundit janë shëruar 22 qytetarë, duke e çuar numrin e të shëruarve në 129,807 që nga fillimi i epidemisë.

Aktualisht 22 pacientë janë nën kujdesin mjekësor, 6 prej të cilëve janë në terapi intensive.

Ministria e Shëndetësisë u bën apel qytetarëve të vijojnë të respektojnë rregullat anticovid dhe mos të neglizhojnë shenjat e sëmundjes.

Statistika (11 Qershor 2021)

Raste të reja ditore 11
Të shëruar në 24 orë 22
Të shtruar në spitale 22
Humbje jete në 24 orë 1
Testime ditore 2,915

Testime totale 751,831

Raste pozitive 132,437
Raste të shëruara 129,807
Raste Aktive 177
Humbje jete 2,453

Shpërndarja gjeografike e rasteve aktive sipas qarqeve:

Shkodër 57
Tiranë 43
Berat 23
Elbasan 15
Lezhë 12
Korçë 7
Durrës 5
Gjirokastër 5
Fier 4
Dibër 3
Vlorë 2
Kukës 1

/Zoguu.al/