“Palët të pranojnë rezultatet e çertifikuara nga KQZ”, Soreca: 50 ekipe të BE-së në qendrat e votimit

TIRANË– Bashkimi Evropian dhe shtetet e saj anëtare do të jenë të pranishme ditën e zgjedhjeve me 50 ekipe në qendrat e votimit në gjithë Shqipërinë. Lajmin e bër të ditur ambasadori i BE-së në Tiranë, Luigi Soreca, ku theksoi përsëri rëndësinë e votës së lirë.

Ai ka përsëritur thirrjen që palët mos të bëjnë shpallje të parakohshme të rezultateve të votimit dhe të pranojnë rezultatet e çretifikuara nga KQZ.

“Së bashku me Ambasadoren e Shteteve të Bashkuara të Amerikës Yuri Kim  takuam sot Kryetarin e KQZ Ilirjan Celibashi për të vlerësuar përgatitjen e përgjithshme përpara zgjedhjeve të së dielës. Theksuam rëndësinë e ushtrimit të së drejtës së votës dhe integritetin e procesit të votimit dhe numërimit.

Përsëritëm pritshmërinë tonë që të gjitha palët të shmangin shpalljen e parakohshme të rezultateve të votimit të së dielës dhe të pranojnë rezultatet e certifikuara nga KQZ. Përsërisim thirrjen tonë për përmbajtje dhe shmangie të dhunës dhe fjalës nxitëse në hapat e fundit të fushatës.

BE dhe shtetet e saj anëtare do të jenë të pranishme ditën e zgjedhjeve me 50 ekipe të vendosura në qendrat e votimit në të gjithë Shqipërinë. BE do të qëndrojë pranë popullit shqiptar ditën e zgjedhjeve”, shkruan ambasadori i BE-së, Luigi Soreca.

Together w/ @USAmbAlbania🇺🇸we met today CEC Cssr. @ICelibashi🇦🇱 to assess the general preparedness ahead of Sunday 25/4 elections. We stressed the importance to exercise the right to vote and the integrity of the voting & counting process. We recalled our expectation that..1/3 pic.twitter.com/kCZXVLcORg

— Luigi Soreca🇪🇺 (@LSorecaEU) April 22, 2021

/Zoguu.al/