Shpërndante kokainë, arrestohet 39-vjeçari në Tiranë, prej tij”digjet” edhe e motra

TIRANË– Shtetasi Marsel Doku, 39 vjeç është arrestuar sot në zonën e ish-bllokut, pasi akuzohet se shpërndante doza me kokainë në atë zonë.

Pas informacioneve lidhur me shpërndarjen e kokainës nga Doku, policia zhvilloi operacionin “Blloku”, ku mbeti i arrestuar 39-vjeçari.

Gjithashtu motra e tij, K.D., 61 vjeç, po procedohet në gjendje të lirë, pasi pengoi në zhvillimin e hetimeve dhe zbulimin e së vërtetës.

Gjatë kontrollit të banesës së motrës së tij u gjetën dhe sekuestruan 150 doza kokainë, 3 peshore elektronike, një shumë të konsiderueshme parash dhe sende të tjera të kundërligjshme.

/Zoguu.al/