Shqipëria blen dronë ushtarakë nga Turqia për monitorimin e territorit dhe mbledhjen e të dhënave

TIRANË– Konkretizohet marrëveshja e Shqipërisë me Turqinë për blerjen e dronëve ushtarakë, të cilët arrijnë vlerën 8 milionë euro.

Bëhet fjalë për dronët tip IHA dhe SİHA prodhuar nga “Baykar Defense” në Turqi. Mësohet se dronët tip SİHA funksionojnë me armatim të prodhuara në industrinë e mbrojtjes dhe veprojnë si një forcë goditëse pasi kanë të integruara municione, ndërsa dronët tip IHA funksionojnë pa armatim e shërbejnë për të monitoruar dhe mbledhur informacion.

Kjo marrëveshje mes dy vendeve u njoftua nga kryeministri Rama gjatë vizitës së tij në Stamboll në fillim të muajit qershor.

Dronët do të shërbejnë për monitorimin e territorit dhe mbledhjen e të dhënave në kohë reale.

/Zoguu.al/