Xhudistja kosovare fiton Medaljen e Artë në Lojërat Olimpike “Tokio 2020”
Koha e leximit36 sekonta
Xhudistja nga Kosova, Distria Krasniqi, ka triumfuar në Lojërat Olimpike “Tokio 2020” duke fituar Medaljen e Artë në kategorinë deri në 48 kilogramë.
Në finale ajo u përball me japonezen Funa Tonaki, të cilën e mposhti duke u shpallur fituese.
Krasniqi ka fituar ndeshjen e parë me ‘ippon’ ndaj brazilianes, Gabriela Chibana, ndërsa në çerekfinale mposhti me ‘ippon’ Chen Hao Lin në kategorinë deri në 48 kilogramë.
Në gjysmëfinale, Distria u ndesh me kundërshtaren Urantsetseg Munkhbat, të cilën arriti ta mposhtë gjithashtu.
Kjo është medalje e dytë olimpike për shtetin e Kosovës, pasi e para i përket Majlinda Kelmendit, e cila fitoi të Artën në kategorinë deri në 52 kilogramë në Rio de Janiero të Brazilit në vitin 2016.
Bazuar në Ligjin Nr.35/2016 “Për të drejtat e autorit”, ndalohet kopjimi, riprodhimi dhe publikimi i informacionit pa cituar burimin e tij.
0
0
